Que son os carrabouxos

Na reunión de inicio intentei explicarvos que eran os carrabouxos realmente ( non para min) pero resulta que , como mais veces, estaba errado. Agora e gracias á Wikipedia conseguín saber que son e ata unha foto moi clara. Como vedes non son un froito senon unha reacción da árbore a un ataque exterior. Ademais chámanse tamén bugallos ( algo que eu non sabía). Deixovos abaixo o texto que pon e aqui a ligazón. Só recordar que hai un persoaxe de ficción que tamén se chama así. Ten unhas historias moi, moi simpáticas que teñen moita retranca. Picando nesta ligazón podedes ver o debuxo do día ( publicados no xornal La Región)O seu autor é Xose Lois

Os bugallos dos carballos, tamén chamados carrabouxos, cocas ou, tecnicamente, cecidias, son unha reacción de defensa da árbore fronte a determinados insectos véspidos que depositan os seus ovos baixo a casca nos gromos novos dos carballos.

A definición anterior sería, realmente, aplicable só ós bugallos máis comúns e coñecidos, pero cómpre advertir que non sempre son producidos por avespas senón que en ocasións se deben a outros insectos; que non se presentan só nos carballos senón que outras moitas plantas, arbóreas ou non, poden sufrir esta parasitación; e que a causa non sempre a resposta a unha posta de ovos, senón que poden deberse a un ataque do insecto en busca de alimentos.

Carrabouxos nun carballo (Quercur robur)

En calquera caso, trátase sempre dunha reacción defensiva da planta que dá lugar a unha estrutura anormal dos tecidos vexetais (o que a diferencia da resposta a insectos fitófagos e escavadores). Nesa neoformación, a larva do insecto indutor atopará alimento e protección fronte ós seus inimigos naturais.

A forma que usualmente adopta o bugallo é esférica, coa superficie lisa ou cunha coroa de picos^[1], pero noutros casos, en función do insecto indutor e da especie vexetal parasitada, os bugallos poden ter formas lenticulares, estreladas, de corno, ou ser totalmente amorfas. Calquera parte da planta (talos, gromos, follas, flores, froitos ou mesmo raíces) é susceptible de ser atacada polo insecto.